პადი პიმბლეტი: "სლოტი კლოპზე მეტ ტიტულს მოიგებს"

როგორც იცით, UFC-ს ინგლისელი მებრძოლი პადი პიმბლეტი ლივერპულელია და "სქაუზერების" დიდი გულშემატკივარიც არის.

Talksport-თან საუბრისას პადიმ აღნიშნა, რომ არნე სლოტის ძალებში მის მოსვლამდეც დარწმუნებული იყო. როგორც პიმბლეტი ამბობს, ნიდერლანდელი იურგენ კლოპზე წარმატებული მწვრთნელი იქნება.

"ლივერპული" მიმდინარე სეზონში შესანიშნავად გამოიყურება. "სქაუზერები" პრემიერ ლიგას 25 ქულით ლიდერობენ და "სიტის" 2 ქულით ასწრებენ. გარდა ამისა, არნე სლოტის გუნდი ჩემპიონთა ლიგაზეც უდანაკარგოდ ასპარეზობენ და 4/4 გამარჯვებით ცხრილის სათავეში იმყოფებიან.

რაც შეეხება პადის, მისი მომავალი ბრძოლა ჯერჯერობით ჩანიშნული არ არის, თუმცა, ინგლისელს გურამ ქუთათელაძე იწვევს.