ოფიციალურად - ტერ შტეგენი ევროპის ჩემპიონატს გამოტოვებს
2 წლის წინ
ფეხბურთი
1 წთ
გერმანიის ეროვნული ნაკრები ევროპის ჩემპიონატს სერიოზული დანაკლისით ხვდება. იოახიმ ლიოვის გუნდს ტრავმის გამო მარკ-ანდრე ტერ შტეგენი გამოაკლდა. "ბარსელონას" მეკარეს მუხლის დაზიანება აქვს, რის გამოც იძულებულია, ოპერაცია გაიკეთოს.
ტერ შტეგენმა ამის შესახებ სოციალურ ქსელში დაწერა: "კლუბის სამედიცინო გუნდთან ერთად გადავწყვიტე, რომ მუხლის ოპერაცია უნდა გავიკეთო. ვწუხვარ, რადგან ზაფხულში ევრო 2020-ს გამოვტოვებ. ბოლო წლებში პირველად, ჩემს ქვეყანას სახლიდან ვუგულშემატკივრებ. ვიმედოვნებ, რომ ჩვენ მას მოვიგებთ."
შეგახსენებთ, რომ გერმანია ევროპის ჩემპიონატზე უნგრეთის, საფრანგეთისა და პორტუგალიის წინააღმდეგ ითამაშებს.
სხვა სტატიები
.32.webp)
