ოფიციალურად: საიმონ ბენიომ და ანდრეს პრიეტომ დინამო თბილისი დატოვეს

ბოლო პერიოდის განმავლობაში ქართულ მედიაში გავრცელებული ინფორმაცია ოფიციალურად დადასტურდა - საიმონ ბენიომ და ანდრეს პრიეტომ "დინამო თბილისი" დატოვეს. საქართველოს ყველაზე ტიტულოვანი კლუბი, ესპანელმა მეკარემ ურთიერთშეთანხმების საფუძველზე გაწყვეტილი კონტრაქტის შემდეგ დატოვა, რაც შეეხება ტოგოელ ცენტრალურ მცველს, მისი შრომითი ხელშეკრულების ვადა 28 ივლისს იწურება, მხარეები კი თანამშრომლობის გაგრძელებას აღარ აპირებენ. ანდრეს პრიეტო დინამო თბილისს 2021 წლის აგვისტოში შემოუერთდა, ამ პერიოდის განმავლობაში მან თბილისური კლუბის მაისურით 35 შეხვედრაში მიიღო მონაწილეობა და 15 მატჩში კარის მშრალად შენახვა მოახერხა.

"დინამო თბილისი" მადლობას უხდის ორივე ფეხბურთელს კლუბში გატარებული პერიოდისთვის და წარმატებას უსურვებს მომავალ კარიერაში", - წერს საქართველოს 18-გზის ჩემპიონის ოფიციალური ვებ-გვერდი.

რაც შეეხება საიმონ ბენიოს, იგი "დინამოში" 2020 წლიდან ირიცხებოდა და 71 მატჩში 6 გოლის გატანა და 2 საგოლე პასის გაკეთება მოახერხა. მან "დინამო თბილისის" მაისურით საქართველოს ეროვნული ლიგის ჩემპიონობა (2020 წლის) და ქვეყნის სუპერ თასი მოიგო.

ოფიციალურად: საიმონ ბენიომ და ანდრეს პრიეტომ დინამო თბილისი დატოვეს

სხვა სტატიები