ხვიჩა კვარაცხელიას "ნაპოლიმ" ზაფხულის სატრანსფერო ფანჯრის დროს კიდევ ერთი ტრანსფერი განახორციელა და არგენტინელი თავდამსხმელი, ჯოვანი სიმეონე დაიმატა.
მადრიდის "ატლეტიკოს" მთავარი მწვრთნელის, დიეგო სიმეონეს ვაჟი, რომელიც ბოლოს "ჰელასვერონას" მაისურს ირგებდა, 1-წლიანი იჯარის წესით ნეაპოლიტანურ კლუბში ითამაშებს.
როგორც ცნობილი ხდება, უახლოესი პერიოდის განმავლობაში, "ნაპოლი" კიდევ ორი ფეხბურთელის დამატებას გეგმავს, "ტოტენჰემიდან" ტანგინდომბელესა და "სასუოლოდან" ჯაკომო რასპადორის.
27 წლის ფორვარდი ბოლო წლების განმავლობაში ეტაპობრივად უმატებს და სერია A-ში სტატისტიკას ყოველ სეზონში აუმჯობესებს. სიმეონემ 2021/22 წლების სეზონში 37 შეხვედრაში 17 გოლის გატანა და 6 საგოლე გადაცემის გაკეთება მოახერხა.
.32.webp)
