ოფიციალურად: არტურ მელო იუვენტუსის ფეხბურთელია
3 წლის წინ
ფეხბურთი
1 წთ
არტურ მელო ტურინის "იუვენტუსის" ფეხბურთელია. ინფორმაციას თავად ბრაზილიელი ფეხბურთელი ავრცელებს. 24 წლის ნახევარმცველმა სოციალურ ქსელებში "ბებერი ქალბატონის" ეკიპირებით ვარჯიშის დროს გადაღებული ფოტო განათავსა წარწერით: "ახალი ოცნების დასაწყისი". საგულისხმოა, რომ ტექსტი იტალიურ ენაზე იყო გამოქვეყნებული.
ამ ცნობას უკვე იტალიური პრესა და წამყვანი სტატისტიკური ვებ-გვერდი Transfermarkt.com-იც ადასტურებს. არტური "ბარსელონაში" 2018 წლის ივლისში, გუნდიდან ანდრეს ინიესტას წასვლის შემდეგ გადაბარგდა და 72 შეხვედრაში 4 გოლის გატანა და 6 საგოლე გადაცემის გაკეთება მოახერხა. მან ლა ლიგის და ესპანეთის სუპერთასის მოგებაც იზეიმა.