ოფიციალურად: ალესანდრო ფლორენცი მილანის ფეხბურთელია
2 წლის წინ
ფეხბურთი
1 წთ
ბოლო დღეების განმავლობაში, ევროპულ მედიაში გავრცელებული ინფორმაცია უკვე ოფიციალურად დადასტურდა - ალესანდრო ფლორენცი "მილანის" ფეხბურთელია. იტალიის ნაკრების მარჯვენა მცველმა ერთწლიანი კონტრაქტი გააფორმა და 25-ნომრიანი სათამაშო მაისური მიიღო.
ფლორენცი, რომელიც "რომას" აკადემიის აღზრდილია და განათხოვრების წესით, კარიერის განმავლობაში "კროტონესა" და "ვალენსიას" რიგებში უთამაშია, 2020/21 წლების სეზონში "პსჟ-ში" იჯარის წესით გამოდიოდა და პარიზელთა მაისურით 36 შეხვედრაში 2 გოლის გატანა და 1 საგოლე გადაცემის გაკეთება მოახერხა. ევრო 2020-ის მომგებ ფეხბურთელს იტალიის ნაკრებში 45 მატჩში 2 გოლი აქვს გატანილი და 3 საგოლე გადაცემა გაკეთებული. საკლუბო დონეზე მისი ტიტულების ყულაბაში საფრანგეთის თასი და სუპერთასია.🖋️ The start of a new chapter, right Ale? 📖 🖋️ L’inizio di un nuovo capitolo, giusto @Florenzi? 📖#SempreMilan #NewPlayerUnlocked pic.twitter.com/3ui409M6o3 — AC Milan (@acmilan) August 21, 2021