ოლისეს წასვლის შემთხვევაში, ბაიერნის მთავარი სამიზნე ვირცი იქნება

BILD-ის ინფორმაციით, მიუნხენის „ბაიერნი“ ფლორიან ვირცს კვლავ ერთ-ერთ მთავარ სატრანსფერო სამიზნედ განიხილავს. შარშანდელი სეზონის მსგავსად, გერმანელ შემტევს პრემიერ ლიგის მიმდინარე სეზონშიც უჭირს თავის გამოჩენა. ვირცმა ოთხ შეხვედრაში მხოლოდ ერთი საგოლე გადაცემა მიითვალა. 

ამის მიუხედავად, „ბაიერნი“ გერმანელ ფეხბურთელს კვლავ მაღალ შეფასებას აძლევს და მის შესაძლებლობებში ეჭვი არ ეპარება. მიუნხენელები გერმანელი ტოპ-ფეხბურთელების საკუთარ გუნდში შეკრებას გრძელვადიანი საკადრო სტრატეგიის მნიშვნელოვან ნაწილად მიიჩნევენ.

კრიტიკის მიუხედავად, „ლივერპულის“ მთავარი მწვრთნელი ანდონი ირაოლა ფეხბურთელს სრულ მხარდაჭერას უცხადებს და მიიჩნევს, რომ მისი გავლენა გუნდზე მხოლოდ სტატისტიკური მაჩვენებლებით არ უნდა შეფასდეს.

ვირცის ტრანსფერთან დაკავშირებით საუბრები მას შემდეგ გააქტიურდა, რაც მაიკლ ოლისეს წასვლაზე არაერთხელ დაიწერა. მიუნხენში არსებობს შიში, რომ ოლისეს შესაძლოა პრემიერ ლიგაში დაბრუნება სურდეს. ფრანგს „ბაიერნთან“ კონტრაქტი 2028/29 წლების სეზონის ბოლომდე აკავშირებს.

„ბაიერნის“ მთავარი პრიორიტეტი ამ ეტაპზე ოლისესთვის გაუმჯობესებული და გრძელვადიანი კონტრაქტის შეთავაზებაა. თუ ფეხბურთელი ახალი ხელშეკრულების გაფორმებაზე უარს იტყვის, გერმანულ კლუბს შესაძლოა მისი გაყიდვის საკითხის განხილვა მოუხდეს.

სწორედ ასეთ შემთხვევაში განიხილება ფლორიან ვირცი ოლისეს პოტენციურ შემცვლელად.