ოფიციალურად | პოსტეკოღლუ ნოტინგემის მთავარი მწვრთნელია
60 წლის ავსტრალიელ/ბერძენი მწვრთნელი - ანგე პოსტეკოღლუ პრემიერ ლიგასა და ევროპა ლიგაზე დაბრუნდა და მან ნოტინგემ ფორესტი ჩაიბარა.
ეს ყველაფერი კი მას შემდეგ გაოფიციალურდა, რაც ცნობილი გახდა, რომ ნუნუ ეშპირიტუ სანტუ ნოტინგემ ფორესტის მთავარი მწვრთნელის პოსტიდან გაათავისუფლეს. ბოლო დროის განმავლობაში ხშირი იყო საუბრები მისი გათავისუფლების შესახებ, სეზონის დაწყებიდან კი სულ რაღაც 3 თამაშის შემდეგ ის გუნდიდან გაუშვეს. ცოტა ხნის წინ გავრცელდა ინფორმაცია, რომ პორტუგალიელ სპეციალისტს გუნდის მფლობელ ევანგელოს მარინაკისთან ურთიერთობა გაუფუჭდა.
Nottingham Forest is delighted to confirm the appointment of Ange Postecoglou as the Club’s First Team Head Coach.
— Nottingham Forest (@NFFC) September 9, 2025
Postecoglou has been in management for over 25 years, arriving on Trentside with experience of regularly competing and winning trophies at the highest level.… pic.twitter.com/Yc2XLrZa7M
შეგახსენებთ, რომ ანგე პოსტეკოღლუ ბოლოს ტოტენჰემის მწვრთნელი იყო, საცაც 'დეზებს' ისტორიაში პირველი ტიტული - ევროპა ლიგა მოაგებინა, თუმცა მას პრემიერ ლიგის მე-17 პოზიციაზე დასრულება არ აპატიეს და კლუბიდან გაუშვეს.
60 წლის მწვრთნელმა აღნიშნა, რომ იგი მზად არის ნოტინგემ ფორესტთან ერთად დიდ წარმატებას მიაღწიოს, რისთვისაც მას გარკვეული დრო დასჭირდება.
შეგახსენებთ, რომ პოსტეკოღლუ წლების განმავლობაში: მელბურნში, ავსტრალიის ნაკრებში, იოკოჰამაში, სელტიკში და ტოტენჰემში მუშაობდა.
სხვა სტატიები
