ოფიციალურად: ნოდარ ლომინაძე ეშტორილის ფეხბურთელია

ქართველი ფეხბურთელი ნოდარ ლომინაძე თბილისის დინამოდან პორტუგალიურ ეშტორილში გადავიდა. 23 წლის ნახევარმცველმა კლუბთან კონტრაქტი 2029 წლამდე გააფორმა. ახალგაზრდა ფეხბურთელი აქამდე მხოლოდ ქართულ კლუბებში ასპარეზობდა, ირიცხებოდა დინამო თბილისში, დინამო თბილისი 2-ში, სამგურალში, გაგრასა და გორის დილაში.

ეშტორილი პორტუგალიის უმაღლეს ჩემპიონატში ასპარეზობს, გასულ სეზონში მათ 46 ქულა დააგროვეს და 8 პოზიციაზე გავიდნენ.

ქართველ ფეხბურთელს ყველა ასაკობრივ ნაკრებში უთამაშია, 21-წლამდელთა ნაკრებში მან 21 შეხვედრაში მიიღო მონაწილეობა და 4 გოლი გაიტანა. ლომინაძემ ასევე 2-ჯერ ითამაშა ახალგაზრდულ ევროპის ჩემპიონატზე (2023, 2025 წ.).