ოფიციალურად: მარსელს ახალი მთავარი მწვრთნელი ჰყავს

მარსელის ოლიმპიკმა გუნდიდან გათავისუფლებული მთავარი მწვრთნელის, რობერტო დე ძერბის შემცვლელი იპოვნა.

ლიგა 1-ის წარმომადგენელი გრანდის ახალი მთავარი მწვრთნელი, ჰაბიბ ბეიე გახდა, რომელიც რამდენიმე დღის წინ რენიდან გაათავისუფლეს.

მნიშვნელოვანია, რომ 2003-დან 2007 წლამდე სენეგალელი მარსელის ფეხბურთელი გახლდათ და გუნდს კაპიტნობდა კიდეც.

48 წლის სპეციალისტმა გუნდთან კონტრაქტი 2027 წლის 30 ივნისამდე გააფორმა.

მარსელი ლიგა 1-ში 22 ტურის შემდეგ მესამე ადგილს იკავებს და მომდევნო მატჩი 20 თებერვალს, ბრესტთან სტუმრად უნდა გამართოს.