ოფიციალურად | ჯაბა კანკავამ სლოვანი დატოვა
საქართველოს ეროვნული ნაკრების ყოფილმა კაპიტანმა, 38 წლის - ჯაბა კანკავამ, სლოვაკური კლუბი ბრატისლავის "სლოვანი" ოფიციალურად დატოვა.
ამის შესახებ კლუბმა ოფიციალური განცხადება სოციალურ ქსელში გამოაქვეყნა და ქართველი ფეხბურთელის კლუბის დატოვების შესახებ ინფორმაცია დაადასტურა.
Belasé pôsobenie Jabu Kankavu sa končí.
— ŠK Slovan Bratislava (@SKSlovan) June 27, 2024
Futbalový bojovník, osobnosť, za ktorú hovorili predovšetkým skutky na ihrisku. Belasá kapitola kariéry Jabu Kankavu sa po troch krásnych sezónach končí. Nezostáva nám nič iné, len poďakovať sa Jabovi za všetko, čo pre Slovan odviedol. pic.twitter.com/CNOUoeQoeD
"ჩვენ კლუბში ჯაბა კანკავას 3-წლიანი კარიერა დასრულდა.
ფეხბურთის მეომარი, პიროვნება, რომლის მოქმედებები მოედანზე მის წარმომავლობასა და მენტალიტეტზე მეტყველებდა. ჯაბა კანკავას ბრწყინვალე სლოვაკური კარიერა, სამი კარგი სეზონის შემდეგ დასასრულს მიუახლოვდა.
სხვა გზა არ გვაქვს გარდა იმისა, რომ მადლობა გადავუხადოთ ჯაბას ყველაფრისთვის, რაც მან სლოვანისთვის გააკეთა..." - ვკითხულობთ სლოვანის განცხადებაში
შეგახსენებთ, რომ ჯაბა კანკავა "სლოვანის" ღირსებას 2021 წლიდან იცავდა. მან სლოვაკურ კლუბში 127 მატჩი ჩაატარა, სადაც 6 გოლის გატანა და 5 საგოლე გადაცემის შესრულება შეძლო.
ჯერჯერობით უცნობია თუ სად გააგრძელებს კარიერას კანკავა, თუმცა გავრცელებული ინფორმაციის თანახმად, ლეგენდარული ქართველი სამშობლოში დაბრუნდება.
სხვა სტატიები
