ოფიციალურად | გიორგი მიქაუტაძე ვილიარეალის ფეხბურთელია

საქართველოს ეროვნული საფეხბურთო ნაკრების ვარსკვლავი, გიორგი მიქაუტაძე კარიერას ვილიარეალში გააგრძელებს.

ლა ლიგის ბინადარმა კლუბმა გიორგი მიქაუტაძე ოფიციალურად წარადგინა - სოციალურ მედიაში განთავსებულ პოსტში აღნიშნულია, რომ მიქაუტაძე ვილიარეალის ღირსებას 2031 წლამდე დაიცავს.

შეგახსენებთ, რომ გასულ სეზონში ლიონის მაისურით გიორგი მიქაუტაძემ 17 გოლი გაიტანა და 11 საგოლე გადაცემა შეასრულა.