ოფიციალურად | ენცო ზიდანმა 29 წლის ასაკში საფეხბურთო კარიერა დაასრულა
ლეგენდარული ფრანგი ფეხბურთელის - ზინედინ ზიდანის უფროსმა შვილმა, ენცო ზიდანმა, საფეხბურთო კარიერა 29 წლის ასაკში დაასრულა. ამის შესახებ ინფორმაციას ერთ-ერთი ყველაზე გავლენიანი სპორტული გამოცემა "AS" ავრცელებს.
ესპანური მედიის ინფორმაციით, ენცო ზიდანმა უკვე ოფიციალური გადაწყვეტილება მიიღო იმის შესახებ, რომ კარიერა დაასრულოს - ამის მიზეზი კი ის არის, რომ ენცო ფეხბურთში საკუთარ თავს ვეღარ ხედავს და ბიზნესზეა ორიენტირებული, რომელიც ზიდანების ოჯახს გააჩნია.
Happy retirement to Enzo Zidane, who ends his career at 29 years old. 🤍 pic.twitter.com/Yu4QieRL4Q
— Madrid Xtra (@MadridXtra) September 24, 2024
ენცო ზიდანი მადრიდის "რეალის" აღზრდილია. იგი წლების განმავლობაში ჯერ "რეალის" C გუნდში თამაშობდა, შემდეგ B გუნდში აღზევდა, საბოლოოდ კი "სამეფო კლუბის" ღირსებას იცავდა, თუმცა მას ოფიციალური თამაში არ უთამაშია.
ამ ყველაფრის შემდეგ მან: "ალავესში"; "ლოზანაში"; "ავეში"; "ალმერიაში"; "როდეზში" და ბოლოს "ფუენლაბრადაში" ითამაშა.
29 წლის ნახევარმცველს კარიერაში 215 მატჩი აქვს ჩატარებული, საიდანაც 16-ჯერ შეძლო მეტოქის კარის აღება.
ენცო ზიდანი ესპანეთის U15 და U19 ნაკრებებშიც თამაშობდა.
სხვა სტატიები
