ოფიციალურად: ანტონიო კონტე ნაპოლის მთავარი მწვრთნელია

იტალიურ მედიაში, პრაქტიკულად მთელი სეზონის განმავლობაში მიმდინარე მითქმა-მოთქმა ოფიციალურად დადასტურდა: ანტონიო კონტე "ნაპოლის" მთავარი მწვრთნელი გახდა.

იტალიის 2022/23 წლების სეზონის ჩემპიონ გუნდს სკუდეტოს ორ სხვადასხვა გუნდთან, ტურინის "იუვენტუსსა" და მილანის "ინტერთან" ერთად მომგები სპეციალისტი (საერთო ჯამში 4 ტიტული) უხელმძღვანელებს.

ანტონიო კონტემ "ნაპოლისთან" კონტრაქტი 2027 წლის 30 ივნისამდე გააფორმა და ასეთი კომენტარი გააკეთა: "ნაპოლი" გლობალური მნიშვნელობის ადგილია. მოხარული ვარ, რომ შემიძლია, ლურჯი სათადარიგოთა სკამიდან ვიმუშაო. პირობის დადება ერთ რამეზე ნამდვილად შემიძლია: ყველაფერს გავაკეთებ იმისთვის, რომ გუნდმა ზრდა გააგრძელოს. ჩემს თანამშრომლებთან ერთად ეს იქნება ტოტალური სამუშაო".

იტალიურ მედიაში გავრცელებული ინფორმაციის მიხედვით, 54 წლის სპეციალისტის მთავარი სურვილი ახალი გუნდის, ხვიჩა კვარაცხელიას გარშემო აშენება გახლავთ.