ნიკა კვეკვესკირმა ლეხი დატოვა და თავისუფალი აგენტი გახდა

ოფიციალურად ნიკა კვეკვესკირმა "ლეხ პოზნანი" დატოვა, ინფორმაციას პოლონური გუნდის საიტი აქვეყნებს. ქართველი ფეხბურთელის კონტრაქტი ლეხთან 2025 წლის 30 ივნისამდე მოქმედებდა, მაგრამ ორმხრივი თანხმობით გაუქმდა.

32 წლის ფეხბურთელი პოლონურ გუნდში სათამაშოდ 2021 წელს ყაზახეთის "ტობოლიდან" ასევე თავისუფალი აგენტის სტატუსით გადავიდა. სადაც ყველა ტურნირის 123 შეხვედრაში მიიღო მონაწილეობა, გაიტანა 6 გოლი და გააკეთა 7 საგოლე გადაცემა.

"ლეხ პოზნანში" ყოფნის პერიოდში კვეკვემ ერთი ტიტული მოიგო, ეს 2021/22 წლების სეზონში მოახერხა, როდესაც გუნდთან ერთად პოლონეთის ჩემპიონობა იზეიმა.

ნიკა კვეკვესკირი ამ დროისთვის თავისუფალი აგენტია და ჯერჯერობით უცნობია თუ სად გააგრძელებს ქართველი ფეხბურთელი კარიერას.