ნერეშის ნაპოლიში ტრანსფერი ლუკაკუზე და ჩელსიზე არის დამოკიდებული

იტალიურ მედიაში გავრცელებული ინფორმაციის თანახმად, "ნაპოლი" კვლავ "ჩელსის" ელოდება. ნეაპოლელებმა ლონდონელებს ლუკაკუს თაობაზე €30 მილიონიანი შეთავაზება გაუგზავნეს, თუმცა კვლავ მოლოდინის რეჟიმში არიან. დავიდ ნერეშის ბენფიკადან "ნაპოლიში" გადასვლა, სწორედ ბელგიელის ტრანსფერზე არის დამოკიდებული.

Sky Sport Italia-ს ცნობით, თუ "ჩელსი" "ნაპოლის" შეთავაზებას არ მიიღებს, მაშინ ამ ფულს "ნაპოლი" ნერეშის ტრანსფერში გამოიყენებს. იმ შემთხვევაში თუ "არისტოკრატები" "პარტენოპეის" შეთავაზებას დათანხმდებიან, დავიდ ნერეში მას შემდეგ გადავა, რაც ოსიმენი გაიყიდება.

აღსანიშნავია, რომ "ბენფიკამ" ნერეში შემადგენლობის მიღმა უკვე დატოვა. ფაბრიციო რომანოს თქმით, ბრაზილიელი შემტევი მზადაა კვირას სამედიცინო შემოწმება გაიაროს. ამავე წყაროზე დაყრდნობით, აღნიშნულ ტრანსფერზე საბოლოო დეტალები მომდევნო 48 საათში გაირკვევა.