ნეიმარი: "გაჩუმებას არ ვაპირებ, ნაწყენი ვარ"

ბრაზილიის ნაკრების მწვრთნელმა, კარლო ანჩელოტიმ, გუნდის განაცხადი დაასახელა და 34 წლის ვინგერი, ნეიმარი, მასში არ არის.

ნეიმარმა არ დამალა იმედგაცრუება ბრაზილიის ნაკრებში არგამოძახების გამო. „სელესაოს“ უახლოეს კვირებში საფრანგეთთან და ხორვატიასთან ამხანაგური თამაშები აქვს. ნაკრებში ენდრიკი და იგორ ტიაგო ბრუნდებიან, ნეიმარისთვის კი ადგილი ვერ გამოინახა. მას ბრაზილიის ნაკრებში 2023 წლის ოქტომბერიდან, მუხლის მძიმე ტრავმის შემდეგ არ უთამაშია.

მსოფლიო ჩემპიონატისთვის, ბრაზილიის ნაკრების საბოლოო განაცხადი 19 მაისს გახდება ცნობილი. მანამდე ნეიმარს, სანტოსის რიგებში, ჩემპიონატის 10 მატჩი, ბრაზილიის თასის ორი და შესაძლოა, სამხრეთ ამერიკის თასის რამდენიმე შეხვედრის ჩატარება მოუწიოს. 2026 წელს მას ოთხი მატჩი და ორი გოლი აქვს გატანილი.