ნაპოლისა და ლუკაკუს შორის სიტყვიერი შეთანხმება შედგა
"ნაპოლისა" და რომელუ ლუკაკუს შორის სიტყვიერი შეთანხმება შედგა. ბელგიელი ვარსკვლავისა და "პარტენოპეის" წარმომადგენლებმა დეტალები სრულად შეათანხმეს და კონტრაქტზე ხელის მოწერა მხოლოდ დროის საკითხია. აღნიშნულ ინფორმაციას ცნობილი იტალიელი სპორტული ჟურნალისტი, ფაბრიციო რომანო ავრცელებს.
ფაბრიციო რომანოს მტკიცებით, რომელუ ლუკაკუ ანტონიო კონტეს უკვე ესაუბრა და უახლოეს დღეებში 3-წლიან კონტრაქტს მოაწერს ხელს. რომანო ასევე აღნიშნავს, რომ "ჩელსის", "ნაპოლისა" და ბელგიელი ფეხბურთელის წარმომადგენლები ფორმალურ დეტალებს აგვარებენ, რის შემდეგაც ლუკაკუს ტრანსფერი გაოფიციალურდება.
🔵🇧🇪 Chelsea, Napoli and player’s camp are now proceeding with formal steps to get all documents signed for Romelu Lukaku deal.
— Fabrizio Romano (@FabrizioRomano) August 24, 2024
Verbal agreement 100% confirmed as reported on Friday. Lukaku also spoke to Antonio Conte after the breakthrough.
Permanent move, 3 year contract. pic.twitter.com/cxsgm6l5pw
"ნაპოლი" გახდება მესამე იტალიური კლუბი, რომელშიც ლუკაკუ ითამაშებს. კარიერის განმავლობაში ბელგიელი შემტევი "ინტერსა" და "რომაში" ასპარეზობდა. 2023/24 წლების სეზონში, ლუკაკუმ "რომას" მაისურით ჩატარებულ 32 მატჩში, 13 გოლის გატანა შეძლო.
სხვა სტატიები
.32.webp)
