ნაპოლის ახალი მთავარი მწვრთნელი რუდი გარსია იქნება

"ნაპოლიმ" ოფიციალურად დაადასტურა, რომ გუნდს ახალი მთავარი მწვრთნელი ჩაიბარებს. იტალიურ კლუბში ლუჩიანო სპალეტის რუდი გარსია ჩაანაცვლებს.

"მაქვს პატივი, რომ გამცნოთ, მრავალი შეხვედრის შემდეგ ბატონი რუდი გარსია "ნაპოლის" ახალი მწვრთნელი იქნება. მთელი გულით მივესალმები მას და წარმატებებს ვუსურვებ!" - განაცხადა გუნდის მფლობელმა აურელიო დე ლაურენტისმა.

შეგახსენებთ, რომ 59 წლის სპეციალისტს კარიერის ძირითადი ნაწილი საფრანგეთში აქვს გატარებული სადაც "სენტ-ეტიენს", "დიჟონს", "ლილს", "მარსელსა" და "ლიონს" წვრთნიდა. გარსიას იტალიაში აქამდეც უმუშავია. ის "რომას" 118 მატჩის განმავლობაში სათავეში ედგა. ბოლოს ის "ალ ნასრში" მუშაობდა, სადაც კრიშტიანუ რონალდუსთან კონფლიქტის გამო დაითხოვეს.