ნაპოლიმ ლუკაკუ ხელფასის 20%-ით დააჯარიმა

ბელგიელმა ცენტრალურმა ფორვარდმა რომელუ ლუკაკუმ ნაპოლისგან დისციპლინური ჯარიმა 150 000 ევროს ოდენობით მიიღო, რაც მისი ყოველთვიური ხელფასის დაახლოებით 20%-ს შეადგენს.

სანქციების მიზეზი ის გახლდათ, რომ ლუკაკუმ დაახლოებით ორი კვირა ხელმძღვანელობის თანხმობის გარეშე შვებულებაში გაატარა. ნეაპოლში დაბრუნების შემდეგ, ის გუნდის დირექტორ ჯოვანი მანას შეხვდა, სადაც ჯარიმის შესახებ გადაწყვეტილება შეთანხმდა.

იტალიური მედიის ინფორმაციით, ნაპოლიმ ფეხბურთელს დროებით ანტვერპენში გადასვლის უფლება მისცა, მაგრამ შიდა წესების დარღვევის გამო ფინანსური ჯარიმა ძალაში დატოვა.

ნაპოლის დამოკიდებულება ბელგიელის მომავალთან დაკავშირებით სულ უფრო მეტად მყარდება: მისი ზაფხულში გუნდიდან წასვლა თითქმის გარდაუვლად ითვლება. ფეხბურთელის აგენტს უკვე დაევალა ახალი გუნდის პოვნა.

32 წლის ფორვარდს ნაპოლისთან კონტრაქტი კიდევ 1 სეზონით აკავშირებს. მან ნაპოლიში 45 მატჩში 15 გოლის გატანა, 11 საგოლე პასის გაკეთება და სერია A-ს მოგება მოახერხა.