ნაპოლი ფინანსური მოგების თვალსაზრისით სერია A-ს ლიდერობს

"ნაპოლიმ" 2024 წელი ფინანსური მოგებით დახურა, რომელიც 63 მილიონ ევროზე მეტს შეადგენს, ფინანსური მდგომარეობის შესახებ ინფორმაციას Calcio e Finanza აქვეყნებს. მონაცემები წინა სეზონის დასრულებას, 2024 წლის ივნისამდე გულისხმობს.

აღნიშნული შედეგი ნეაპოლური კლუბის ისტორიაში საუკეთესო შედეგი არ არის, მაგრამ მესამე პოზიციას იკავებს. სერია A-ს რეიტინგში ფინანსური მოგების გათვალისწინებით ცხრილს "ნაპოლი" ლიდერობს. მათ ყველაზე კარგი შედეგი სკუდეტოს მოგების სეზონში (2022/23წ.) ჰქონდათ, როდესაც 79.7 მილიონ ევროს მიაღწიეს, ხოლო 2016/17 წლებში მათ 66.6 მილიონი ევრო ჰქონდათ მოგება. "ნაპოლი" სერია A-ს ტოპ ათეულს ლიდერობს, ის უსწრებს "ატალანტას", "ფიორენტინას", "იუვენტუსს" და "ლაციოს".