მუნდიალი 2022 | ცნობილია ვინ დასახელდა ბრაზილია-კორეის მატჩის საუკეთესო ფეხბურთელად
2 წლის წინ
ფეხბურთი
1 წთ
მსოფლიოს 2022 წლის ჩემპიონატის მერვედფინალური ეტაპის შეხვედრაში ბრაზილიის ნაკრებმა სამხრეთ კორეა - 4:1 დაამარცხა.
მატჩში გოლები სამხრეთამერიკელთა მხრიდან ვინისიუს ჟუნიორმა, ნეიმარმა, რიშარლისონმა და ლუკაშ პაკეტამ, ხოლო აზიელთაგან პაიკ სეუნგ-ჰომ გაიტანეს.
მატჩის დასრულების შემდეგ, ცნობილი გახდა, რომ დაპირისპირების საუკეთესო ფეხბურთელად ბრაზილიელი ნეიმარი დასახელდა.
ნეიმარმა მე-13 წუთზე პენალტი ზუსტად შეასრულა, მოედანზე 80 წუთი გაატარა და ერთ-ერთი გამორჩეული მოთამაშე იყო.
ბრაზილიის ნაკრები 1/4-ფინალურ ეტაპზე ხორვატიის ნაკრებს შეხვდება. მატჩი 9 დეკემბერს, "განათლების ქალაქის" სტადიონზე გაიმართება და თბილისის დროით, 19:00 საათზე დაიწყება.
სხვა სტატიები
