მსოფლიო ჩემპიონატის ფინალური მატჩის მსაჯი ცნობილია

არგენტინასა და საფრანგეთს შორის მსოფლიო ჩემპიონატის ფინალურ შეხვედრას პოლონელი მსაჯი, შიმონ მარცინიაკი გაუძღვება.

მისი ასისტენტები პაველ სოკოლნიცკი და ტომაშ ლისტკევიჩი იქნებიან.

მიმდინარე მუნდიალზე მარცინიაკმა ჯგუფურ ეტაპსა და მერვედფინალში (საფრანგეთი 2:1 დანია; არგენტინა 2:1 ავსტრალია) იმსაჯა და ფეხბურთელებს 5 ყვითელი ბარათი უჩვენა.

არგენტინისა და საფრანგეთის ფინალური მატჩი კვირას, 18 დეკემბერს, 19:00 საათზეა ჩანიშნული.