მსოფლიოს საკლუბო ჩემპიონატის ჯგუფები ცნობილია

FIFA-ს საკლუბო მსოფლიო ჩემპიონატი 2025 წლის ზაფხულში, შეერთებულ შტატებში გაიმართება. ჯგუფური ეტაპი 15 ივნისს დაიწყება, სადაც ლეო მესის "ინტერ მაიამი" ჰარდ როკ სტადიონზე ტურნირს გახსნის. შეჯიბრი 1 თვის განმავლობაში ჩატარდება. 8 ჯგუფიდან, სადაც 4 გუნდი იქნება განაწილებული, 2 საუკეთესო მერვედფინალში გადავა და ტურნირი პლეი ოფის პრინციპით გაგრძელდება. ფინალი 13 ივლისს, ნიუ ჯერსიში, MetLife Stadium-ზე შედგება.

დღეს გამართული წილისყრის შედეგებით, ჯგუფებში გუნდები ასე გადანაწილდნენ:

A ჯგუფი: პალმეირასი, პორტო, ალ აჰლი, ინტერ მაიამი

B ჯგუფი: პსჟ, ატლეტიკო მადრიდი, ბოტაფოგო, სიეტლ საუნდერსი

C ჯგუფი: მიუნხენის ბაიერნი, ბენფიკა, ბოკა ხუნიორსი, ოკლენდ სიტი

D ჯგუფი: ფლამენგო, ჩელსი, ლეონი, ესპერანსა ტუნისი

E ჯგუფი: რივერ პლეიტი, ინტერი, მონტერეი, ურავა რედ დაიმონდსი

F ჯგუფი: დორტმუნდის ბორუსია, ფლუმინენსე, ულსანი, მამელოდი სანდაუნსი

G ჯგუფი: მანჩესტერ სიტი, იუვენტუსი, უაიდადი, ალ აინი

H ჯგუფი: მადრიდის რეალი, ზალცბურგი, ალ ჰილალი, პაჩუკა