მოურინიოს დანიელე დე როსი შეცვლის?!
"რომას" მთავარი მწვრთნელის პოსტზე, ჟოზე მოურინიოს დანიელე დე როსი ჩაანაცვლებს. აღნიშნულ ინფორმაციას, ცნობილი იტალიელი სპორტული ჟურნალისტი - ფაბრიციო რომანო ავრცელებს.
ფაბრიციო რომანოს მტკიცებით, დანიელე დე როსი "ჯალოროსის" მწვრთნელობის მთავარი პრეტენდენტია და რომაული კლუბი მასთან კონტრაქტს უახლოეს პერიოდში გააფორმებს.
შეგახსენებთ, "რომა" ჟოზე მოურინიომ და მისმა სამწვრთნელო შტაბმა დატოვა. მოურინიოს გათავისუფლების გადაწყვეტილება მფლობელებმა არასახარბიელო შედეგების გამო მიიღეს. პორტუგალიელი სპეციალისტი "ჯალოროსიში" 2021 წლის მაისიდან მუშაობდა. რომაულ კლუბში გატარებულ პერიოდში ჟოზემ კონფერენს ლიგის მოგება შეძლო. გარდა ამისა, მოურინიომ გუნდი ევროპა ლიგის ფინალშიც ათამაშა, სადაც "სევილიასთან" დამარცხდა.
🟡🔴 Contacts already taking place between AS Roma and Daniele de Rossi as potential new head coach.
— Fabrizio Romano (@FabrizioRomano) January 16, 2024
De Rossi, keen on this possibility as he always had the dream to return to the club.
Final decision expected soon. 🇮🇹 pic.twitter.com/AvTBkoK19F
დანიელე დე როსი "ჯალოროსის" ლეგენდაა. 2001-2019 წლებში, დე როსიმ "რომას" მაისური 459 შეხვედრაში მოირგო და 43 გოლის გატანა შეძლო. რაც შეეხება სამწვრთნელო კარიერას, ის გაცილებით მოკრძალებულია. 2022 წლის 11 ოქტომბერს, დე როსი სერია B-ში მოასპარეზე "სპალის" მთავარ მწვრთნელად დაინიშნა, თუმცა, 2023 წლის 14 თებერვალს გუნდიდან გაუშვეს. გაშვების დროს, დე როსის გაწვრთნილი "სპალი", იტალიის რანგით მეორე დივიზიონში მე-18 პოზიციას იკავებდა.
სხვა სტატიები
