მოურინიო: "როცა რთულადაა საქმე, სწორედ მაშინ ეძახიან ჟოზეს"

რეალმა, ჩემპიონთა ლიგის სასტარტო მატჩში ინტერთან, დრამატული გამარჯვება (2:1) მოიპოვა - მიუხედავად იმისა, რომ ძირითადი შემადგენლობა ტრავმებისა და დისკვალიფიკაციების გამო სერიოზულად იყო დასუსტებული. „ლოს ბლანკოსმა“ ისარგებლა სტუმართა დაცვაში დაშვებული ორი კატასტროფული შეცდომით და პირველივე 25 წუთში კილიან მბაპესა და ფედერიკო ვალვერდეს ზუსტი დარტყმებით დაწინაურდა. მადრიდელებმა ეს უმნიშვნელოვანესი გამარჯვება ისეთი საკვანძო ფეხბურთელების გარეშე მოიპოვეს, როგორებიც არიან ბერნარდუ სილვა, ედუარდო კამავინგა და როდრიგო.

მოურინიომ ევროპული ფეხბურთის ორ გრანდს შორის გამართული ეს სახიფათო მომენტებითა და ორმხრივი იერიშებით დახუნძლული სანახაობა შეაფასა.

ჟოზემ აღნიშნა, რომ შეიძლება საუკეთესო ფეხბურთელი იყო ისე, რომ ტიტულები ვერ მოიგო და ამით კილიან მბაპეზე გააკეთა მინიშნება (ოქრს ბურთზე) - ასევე პორტუგალიელმა თქვა, რომ მას რონალდო ნაზარიოც უნახავს, ახლა კი მბაპეს უყურებს.

კიდევ ერთი მნიშვნელოვანი დეტალი, მისი მატჩისშემდგომი ინტერვიუდან - კითხვაზე, თუ რატომ იმოქმედა კლუბის პრეზიდენტმა, ფლორენტინო პერესმა ასე ოპერატიულად მისი „სანტიაგო ბერნაბეუზე“ დაბრუნებისას, მოურინიომ უპასუხა: „იმიტომ, რომ ვითარება რთული იყო. მარტივი სიტუაციები ჩემთვის არ არის - როცა რთულადაა საქმე, სწორედ მაშინ ეძახიან ჟოზეს".