მოპოვებული პენალტი და მოგება | ირაკლი აზაროვის შეფასება ბრესტთან მატჩში

ირაკლი აზაროვის ,,შახტარმა'' ჩემპიონთა ლიგის მე-7 ტურში ,,ბრესტი'' 2:0 დაამარცხა.

ქართველმა ფეხბურთელმა ლიგის მიმდინარე სეზონში პირველი შეხვედრა ჩაატარა და პენალტის მოპოვება შეძლო.

აზაროვმა Sofascore-სგან 7.5-ქულიანი შეფასება მიიღო, რითაც საკუთარი გუნდის შემადგენლობაში მხოლოდ 2 ფეხბურთელს ჩამორჩა.

22 წლის მცველმა, რომელიც ბურთს სულ 69-ჯერ შეეხო, 14-დან 5 დუელი მოიგო და 44-დან 37 (84%) ზუსტი გადაცემა გააკეთა.

7.7 ქულით შეაფასა აზაროვის თამაში Whoscored-მა (ასევე მე-3 შეფასება გუნდში) 7.6-ით კი Flashscore-მა.

,,შახტარი'', რომელიც 7 ტურის შემდეგ 7 ქულით სატურნირო ცხრილის 27-ე პოზიციაზეა, ჩემპიონთა ლიგის მომავალ შეხვედრას 30 იანვარს, ,,დორტმუნდის'' წინააღმდეგ გამართავს.