მოლაპარაკებები შედგა - არაუხო ბარსელონას აღარ დატოვებს
ბოლო პერიოდის განმავლობაში, ესპანურ მედიაში ძალიან ხშირად ვრცელდებოდა ინფორმაცია იმის შესახებ, რომ "ბარსელონას" კაპიტანს - რონალდ არაუხოს შესაძლოა კლუბი მიმდინარე სატრანსფერო პერიოდში დაეტოვებინა.
მეტიც, იტალიურ მედიაში გავრცელებული ინფორმაციის თანახმად, 25 წლის ურუგვაელმა მცველმა და "იუვენტუსმა" კონტრაქტის დეტალები შეათანხმეს და მალევე, არაუხო "ბებერი ქალბატონების" ფეხბურთელი უნდა გამხდარიყო, თუმცა ყველაფერი რადიკალურად შეიცვალა.
🚨🔵🔴 Barcelona are now convinced that Ronald Araújo will stay at the club, not leaving in January!
— Fabrizio Romano (@FabrizioRomano) January 15, 2025
New round of talks took place on Tuesday with director Deco involved, as @ffpolo reveals.
Barça got the green light from Ronald to continue at the club despite Juventus efforts. pic.twitter.com/vBXw709trH
ფაბრიციო რომანოს ინფორმაციით, რონალდ არუხოსა და კატალონიის "ბარსელონას" სპორტულ დირექტორ - დეკუს შორის საუბარი შედგა, სადაც პორტუგალიელმა სპეციალისტმა არაუხო დაარწმუნა, რომ კლუბის დატოვება ძალიან ნაადრევი გადაწყვეტილება იყო.
საბოლოოდ, "ბარსამ" მიიღო მწვანე შუქი არაუხოსგან რომ იგი კლუბში დარჩება და "იუვენტუსის" ბევრი მცდელობის მიუხედავად, იგი არსად არ წავა.
ურუგვაელი მცველის შესახებ მთავარმა მწვრთნელმა ჰანსი ფლიკმაც ისაუბრა და კიდევ ერთხელ დაადასტურა, რომ არაუხო კლუბის გეგმებში შედის.
შეგახსენებთ, რომ 25 წლის ურუგვაელი მცველი "ბარსელონას" ღირსებას 2019/2020 წლების სეზონიდან იცავს, რა პერიოდშიც 152 მატჩი ჩაატარა. მან 8 გოლის გატანა და 6 საგოლე გადაცემის შესრულება შეძლო.
სხვა სტატიები
