დასაფასებელი ჟესტი | პსჟ-ს პრეზიდენტმა ჩემპიონთა ლიგის ფინალზე პსჟ-ს 500 თანამშრომელი დაპატიჟა

პარი სენ ჟერმენმა ბაიერნი ორი მატჩის ჯამში 6:5 დაამარცხა და ფინალში გავიდა, სადაც არსენალს დაუპირისპირდება.

ფინალში გასვლის შემდეგ, ძალიან ბედნიერმა ისაუბრა პსჟ-ს პრეზიდენტმა - ნასერ ალ ხელაიფიმ, რომელმაც საკუთარ შეგირდებს მებრძოლები უწოდა. ასევე,რამდენიმე წუთის წინ მან საჯაროდ განაცხადა, რომ მისი გადაწყვეტილებით, პსჟ-ს აბსოლუტურად ყველა თანამშრომელი (500 ადამიანი), დაწყებული დიასახლისებით, დამთავრებული მოედნის გაზონის მომვლელებით, ყველას ფინალზე პატიჟებს და მათ ყველა ხარჯს სრულად იღებს საკუთარ თავზე.

შეგახსენებთ, რომ გასულ წელს ჩემპიონთა ლიგის ფინალზე მსგავსი ფაქტი დაფიქსირდა - ნასერ ალ ხელაიფიმ პსჟ-ს ყველა თანამშრომელი დაპატიჟა ჩემპიონთა ლიგის ფინალში, სადაც პსჟ ინტერს უპირისპირდებოდა.

ასე და ამგვარად, კატარელმა ბიზნესმენმა ტრადიციად დაამკვიდრა მსგავსი დასაფასებელი ქმედებები.

პარი სენ ჟერმენი ჩემპიონთა ლიგის ფინალში არსენალს დაუპირისპირდება. გადამწყვეტი მატჩი 30 მაისს, ბუდაპეშტში, პუშკაშ არენაზე გაიმართება.