მოჰამედ სალაჰი: "ახალი კონტრაქტი? ეს ჩემზე არ არის დამოკიდებული"

პრემიერ ლიგის ახალი სეზონი "ლივერპულმა" შესანიშნავად დაიწყო. არნე სლოტის გუნდმა სამივე შეხვედრა მოიგო და 9 ქულით მეორე ადგილზე იმყოფება.

ამ წარმატებული სტარტის ერთ-ერთი მთავარი შემოქმედი ტრადიციულად მო სალაჰია. ეგვიპტელმა შემტევმა სამ ტურში სამი ასისტის და სამი გოლის გატანა შეძლო. ლივერპულელი გულშემატკივრისთვის სამწუხაროდ, სალაჰისთვის ეს ბოლო სეზონია და როგორ ჩანს, მერსისაიდული კლუბის მასთან ახალი კონტრაქტის გაფორმებას არ აპირებს.

შეგახსენებთ, რომ მოჰამედი "ლივერპულში" 2017 წელს გადავიდა. ინგლისელებმა ეგვიპტელი £36.9 მილიონის სანაცვლოდ გაიფორმა. ამ დროის მანძილზე "ფარაონმა" 352 შეხვედრა ჩაატარა და 214 გოლთან ერთად 92 ასისტიც შეასრულა.