მოდრიჩი: ,,მოხარული ვარ გაცნობოთ, რომ მსოფლიოს საუკეთესო კლუბში თამაშს ვაგრძელებ''
1 წლის წინ
ფეხბურთი
1 წთ
მადრიდის ,,რეალის'' ნახევარმცველი, ლუკა მოდრიჩი, ,,სამეფო გუნდთან'' კონტრაქტის გახანგრძლივებას გამოეხმაურა:
,,მოხარული ვარ გაცნობოთ, რომ მსოფლიოს საუკეთესო კლუბში თამაშს ვაგრძელებ. 10 წლის განმავლობაში ვაკეთებდი იმას, რაზეც ვოცნებობდი - მადრიდის რეალის მაისურს ვატარებდი. თუმცა, ახლაც ისე ვარ აღელვებული, თითქოს, გუნდში ჩემი პირველი დღეა. ვაგრძელებთ! ჰალა, მადრიდ!'' - დაწერა ხორვატმა ინსტაგრამის პირად გვერდზე.დღეს მოდრიჩმა ,,რეალთან'' კონტრაქტი 2023 წლის ზაფხულამდე გაახანგრძლივა. ხორვატი ფეხბურთელი ,,სამეფო კლუბში'' 2012 წლიდან თამაშობს. გასულ სეზონში 36 წლის ნახევარმცველმა მადრიდული გრანდის მაისურით ჩატარებულ 45 შეხვედრაში 3 გოლი გაიტანა და 12 საგოლე გადაცემა მიითვალა.
View this post on Instagram