მიწისძვრის შედეგად თურქი მეკარე გარდაიცვალა
,,ენი მალათიასპორის'' 28 წლის მეკარე, აჰმედ ეიუპი მიწისძვრას ემსხვერპლა. ინფორმაციას თურქული გუნდის ოფიციალური ვებგვერდი ავრცელებს:
,,ვწუხვართ, შენი დაკარგვის გამო...
ჩვენი მეკარე, აჰმედ ეიუპ თურქასლანი მიწისძვრის შედეგად გარდაიცვალა. მშვიდად განისვენე. არასდროს დაგივიწყებთ,'' - წერია გუნდის განცხადებაში.
თურქი მეკარე 6 თებერვალს შენობის ნანგრევებში მეუღლესთან ერთად მოხვდა, მისი მეუღლე გადაარჩინეს, ფეხბურთელის ცხედარი კი დღეს იპოვეს.
,,მალათიასპორის'' გარდა, აჰმედ ეიუპი კარიერის განმავლობაში ,,ბუგსაშსპორში'', ,,ოსმანლისპორსა'' და ,,უმრანიესპორში'' თამაშობდა.
თურქეთში გუშინ რამდენიმე ძლიერი მიწისძვრა მოხდა, რასაც 4000-მდე ადამიანის სიცოცხლე ემსხვერპლა. ადგილობრივი მედიის ინფორმაციით, ნანგრევების ქვეშ ათასობით ადამიანია მოყოლილი.
Başımız sağ olsun!
— Yeni Malatyaspor (@YMSkulubu) February 7, 2023
Kalecimiz Ahmet Eyüp Türkaslan, meydana gelen depremde göçük altında kalarak, hayatını kaybetmiştir. Allah rahmet eylesin, mekanı cennet olsun.
Seni unutmayacağız güzel insan.😢 pic.twitter.com/15yjH9Sa1H