„მისი თვითმფრინავი მზად იყო“ - ზიდანმა მბაპეს გეგმა ჩაშალა

ზინედინ ზიდანმა კილიან მბაპეს გეგმა ჩაშალა და სანაკრებო პაუზის დროს მკაცრი გადაწყვეტილება მიიღო, რომელმაც შესაძლოა მათ ურთიერთობაზე გავლენა მოახდინოს. იტალიასთან მატჩის წინ, ფრანგული მედია აქტიურად წერდა მბაპეს ფიზიკურ მდგომარეობასა და მწვრთნელთან შესაძლო უთანხმოებაზე.

თავდაპირველი ინფორმაციით, რეალის თავდამსხმელს ბარძაყის კუნთის დაზიანების გამო, მადრიდის რეალის ბაზაზე უნდა ემკურნალა. ამ საკითხთან დაკავშირებით, ზიზუმ პრესკონფერენციაზე ისაუბრა.

ესპანელი ჟურნალისტის, მარკოს ბენიტოს ინფორმაციით, მაბპეს რეალის სამედიცინო შტაბთან, ფიზიკური პრობლემის შემთხვევაში, ესპანეთში დაბრუნება შეთანხმებული ჰქონდა. მაგრამ ზიდანმა, მისი მდგომარეობის გასაკონტროლებლად, "სამფეროვნების" კაპიტანი ნაკრებში დატოვა.

ფრანგული მედია, მბაპესა და ზიდანს შორის შესაძლო უთანხმოების მიზეზად, მის სათამაშო პოზიციასაც ასახელებს. ზიდანმა მბაპე მარცხენა ფლანგზე დააყენა, ცენტრში კი, უსმან დემბელე ამჯობინა, ზიდანს სურდა, რომ მბაპეს ორივე მატჩში ეთამაშა, მაგრამ ფრანგთა ათიანი, ტრავმის გამო, იტალიასთან შეხვედრას გამოტოვებს. ამის ფონზე, საფრანგეთის სამწვრთნელო შტაბს იმედი აქვს, რომ მბაპე თურქეთთან შეხვედრაში ხელმისაწვდომი იქნება.