,,მიქაუტაძე არის ფეხბურთელი, რომელიც საკუთარ ადგილს იპოვის'' - ლიონის მწვრთნელი
2 თვის წინ
ფეხბურთი
1 წთ
,,ლიონის'' მთავარმა მწვრთნელმა, პიერ საჟმა, RMC-სთან ინტერვიუში, გუნდის ქართველ თავდამსხმელზე, გიორგი მიქაუტაძეზე ისაუბრა:
,,ვფიქრობ, მიქაუტაძის მიმართ ლიონში დიდი მოლოდინებია. პირველ მატჩებში მან გოლის გატანა ვერ შეძლო. რენში ამის კარგი შანსი ჰქონდა, მაგრამ თერთმეტმეტრიანი ვერ გამოიყენა.
მას გოლის გატანა არაერთხელ შეეძლო და xG-ის (მოსალოდნელი გოლის ინდექსი) ძალიან მაღალი მაჩვენებელიც აქვს.
მიქაუტაძე არის ფეხბურთელი, რომელიც საკუთარ ადგილს იპოვის, ახლა ის გუნდთან შეჩვევის პროცესშია.'' - პიერ საჟი
მიმდინარე სეზონში გიორგი მიქაუტაძემ ,,ლიონის'' მაისურით 7 შეხვედრა ჩაატარა (3 ძირითად შემადგენლობაში). ქართველ თავდამსხმელს თავი საგოლე მოქმედებით ჯერჯერობით არ გამოუჩენია.
,,ლიონი'' მომავალ მატჩს კვირას, 20 ოქტომბერს, ,,ლე ავრთან'' სტუმრად გამართავს.
🔥🔵🔴 Pierre Sage : "Mikautadze n'est qu'au début de son histoire à l'OL. Il va trouver sa place, il est en train de comprendre le jeu de l'équipe." pic.twitter.com/4XoVId4KZd
— After Foot RMC (@AfterRMC) October 15, 2024
სხვა სტატიები
.32.webp)
.32.webp)
