მიმდინარე ევროპის 21-წლამდელთა ჩემპიონატი ისტორიაში ყველა დასწრებადია
საქართველოსა და რუმინეთში მიმდინარე ევროპის 21-წლამდელთა ჩემპიონატი ტურნირის ისტორიაში ყველაზე მაღალდასწრებადია. ინფორმაციას უეფას ოფიციალური ვებგვერდი ავრცელებს.
უეფას ცნობით, უკვე ჩატარებულ მატჩებს სულ 250 746 მაყურებელი დაესწრო, რითაც 2017 წელს, პოლონეთში გამართულ ევროპის ჩემპიონატზე დამყარებული რეკორდი (243 995 მაყურებელი) მოიხსნა.
თბილისში დამყარდა ტურნირის ერთ მატჩზე დასწრების რეკორდიც - ,,დინამო არენაზე” საქართველოსა და ისრაელის მეოთხედფინალურ შეხვედრას ოფიციალური მონაცემებით 44 338 მაყურებელი დაესწრო, რაც ტურნირის ისტორიაში რეკორდული მაჩვენებელია. წინა ორი რეკორდის ავტორიც საქართველოა – ნიდერლანდებთან მატჩს 43 043 ადამიანი დაესწრო, ბელგიასთან მატჩს კი – 41 887.
👏👏👏
— UEFA U21 EURO (@UEFAUnder21) July 1, 2023
This year's tournament in Georgia and Romania has become the highest attended #U21EURO 𝙀𝙑𝙀𝙍 🇬🇪🇷🇴🏟️
სხვა სტატიები
