მილიკი: ,,მბაპეს წინააღმდეგ სკუტერები დაგვჭირდება''

პოლონეთის ეროვნული ნაკრების თავდამსხმელმა, არკადიუშ მილიკმა, საფრანგეთთან შეხვედრის წინ, კილიან მბაპეზე ისაუბრა:

,,როგორ ვიმოქმედებთ მბაპეს წინააღმდეგ? ძალიან სწრაფები უნდა ვიყოთ. კილიანის დასაჭერად სკუტერები დაგვჭირდება.

მის წინააღმდეგ ინდივიდუალურად თამაში ძალიან რთულია. ის მსოფლიოს ერთ-ერთი საუკეთესო ფეხბურთელია. ამ პრობლემის გადასაჭრელად კოლექტიურად უნდა ვიმუშაოთ,'' - მილიკის სიტყვებს L'Equipe ციტირებს.

მსოფლიო ჩემპიონატის მერვედფინალში საფრანგეთის ნაკრები პოლონეთს შეხვდება. მატჩი ხვალ გაიმართება.

მიმდინარე მუნდიალზე კილიან მბაპეს ანგარიშზე 3 გოლი და 1 საგოლე გადაცემაა.