მესიმ ზედიზედ მესამე პენალტი ვერ გაიტანა

მამის გარდაცვალების შემდეგ მოედანზე დაბრუნებულ არგენტინელს, თერთმეტმეტრიანიდან გატანის შანსი ჰქონდა, თუმცა ისევ გაანიავა.

ლიონელ მესის, ინტერ მაიამის სასტარტო შემადგენლობაში დაბრუნება, ნამდვილ კოშმარად იქცა - არგენტინელმა ლეგენდამ ზედიზედ მესამე პენალტი ვერ გამოიყენა, ხოლო მისი გუნდი ნეშვილთან გამანადგურებლად, 1:4 დამარცხდა.

მესის მატჩის სცენარის შეცვლა 23-ე წუთზე შეეძლო, როდესაც მაიამი უკვე აგებდა, თუმცა მისი დარტყმული თერთმეტმეტრიანი მეკარე ბრაიან შვაკემ მოიგერია.

ESPN-ის მონაცემებით, 2014 წლის შემდეგ პირველად მოხდა, რომ მესიმ ზედიზედ სამი პენალტი ვერ გაიტანა - ეს სერია ზაფხულის მსოფლიო ჩემპიონატზე დაიწყო, სადაც მან ავსტრიასა და ეგვიპტესთან შეხვედრებშიც ვერ შეძლო 11-მეტრიანის ნიშნულიდან გატანა.

მესის გაფუჭებულ პენალტს დაამატეს და გოლიც გავიდა, თუმცა 'საჯარიმოში ადრე შესვლის' წესის დარღვევის გამო, ეს გოლი გაუქმდა.