მესიმ ნაკრებში გაკეთებული საგოლე გადაცემების რეკორდი გაიმეორა
2024 წლის ბოლო სანაკრებო მატჩში, ლეო მესი კიდევ ერთხელ მიუახლოვდა დიდ მიღწევას. პერუს წინააღმდეგ (1:0) მოგებულ შეხვედრაში, ოქროს ბურთის 8-გზის მფლობელმა საგოლე გადაცემა გააკეთა ლაუტარო მარტინესზე, ეს მესის სანაკრებო კარიერაში, ოფიციალურ მატჩებში, 58-ე პასი იყო. ერთადერთი ფეხბურთელი, რომელსაც ნაკრების ფორმით ამავე რაოდენობის საგოლე პასი აქვს გაკეთებული, ამერიკელი ლენდონ დონოვანია.
✨🇦🇷 Leo Messi has just played his final game for club and country in 2024… as Argentina beat Perú 1-0.
— Fabrizio Romano (@FabrizioRomano) November 20, 2024
🪄 Messi’s assist means he becomes the player with most assists in international football history joint with Donovan (58). pic.twitter.com/79O4q3b8Zg
დონოვანი შეერთებული შტატების ყველა დროის საუკეთესო ფეხბურთელია, მან თავისი ქვეყანა 157-ჯერ წარადგინა და 57 გოლი გაიტანა. მას უთამაშია "ევერტონში", ლევერკუზენის "ბაიერში" და მიუნხენის "ბაიერნშიც" კი.
ოფიციალურ შეხვედრაში კიდევ ერთი საგოლე გადაცემით, მესი ისტორიაში საუკეთესო მეპასე გახდება, რომელსაც ნაკრების ფორმით უთამაშია.
.70.webp)
სხვა სტატიები
