მესიმ კარიერაში 46-ე ტიტული მოიპოვა

MLS-ის აღმოსავლეთ კონფერენციის შეხვედრაში ,,ინტერ მაიამიმ'' ,,კოლუმბუს ქრიუს'' სტუმრად 3:2 მოუგო.

მატჩში ლეო მესიმ დუბლი შეასრულა, 1 გოლი კი ლუის სუარესმა გაიტანა.

,,ინტერ მაიამიმ'' რეგულარული სეზონის დასრულებამდე 2 ტურით ადრე ჩემპიონობა გაიფორმა. ტატა მარტინოს გუნდს 68 ქულა დაუგროვდა, რითაც უახლოეს მდევარს 7 ქულით გაუსწრო.

ფლორიდულ კლუბს Supporters’ Shield-ის თასი გადაეცა, რომელსაც MLS-ის რეგულარული სეზონის საუკეთესო გუნდები 1999 წლიდან იღებენ.

ეს ლეო მესისთვის კარიერაში 46-ე გუნდური ტიტულია, რაც ფეხბურთის ისტორიაში ყველა დროის საუკეთესო შედეგია.

,,ინტერ მაიამი'' რეგულარული სეზონის მომავალ შეხვედრას კვირას, 6 ოქტომბერს, ,,ტორონტოსთან'' სტუმრად გამართავს.