"მე ერთადერთი ვარ, ვინც გუნდს წააგებინა" - ანდრე ონანა

გუშინ ჩემპიონთა ლიგის პირველი ტური დასრულდა, რომლის ერთ-ერთი ცენტრალური შეხვედრა "ბაიერნისა" და "მანჩესტერის" დაპირისპირება იყო. მასპინძლებს "წითელ ეშმაკებთან" შედარებით ძალიან დიდი უპირატესობა ჰქონდათ. გერმანულმა კლუბმა ანგარიში პირველივე ტაიმში გახსნა. გოლის მომენტში აშკარა შეცდომა დაუშვა ანდრე ონანამ, რომლის გამოც კამერუნელმა კარის დარაჯმა ბოდიშიც მოიხადა.

"მანჩესტერი" A ჯგუფში "ბაიერნთან", "კოპენჰაგენთან" და "გალათასარაისთან" ერთად ასპარეზობს. ინგლისური კლუბი 0 ქულით ბოლო ადგილს იკავებს. ერიკ ტენ ჰაგის გუნდს ჩემპიონთა ლიგაზე შემდეგი შეხვედრა შინ 3 ოქტომბერს "გალათასარაის" წინააღმდეგ ელის.