მძიმე დარტყმა ლივერპულს - ვან დაიკი ტრავმირებულია
ნიდარლენდების ეროვნული ნაკრებისა და "ლივერპულის" ცენტრალური მცველი, ვირჯილ ვან დაიკი ტრავმირებულია.
31 წლის მცველმა ტრავმა პრემიერ ლიგის მე-19 ტურში მიიღო, რის გამოც პირველი ტაიმის შემდეგ შესვენებაზევე შეცვალეს. საბოლოოდ ის მატჩი "ლივერპულმა" "ბრენტფორდის" წინააღმდეგ 1:3 დათმო.
მერსესაიდული გუნდის ინფორმაციიით, ვირჯილ ვან დაიკმა ბარძაყის ტრავმა მიიღო, რის გამოც რამდენიმე კვირის (მინიმუმ 2-3) გამოტოვება მოუწევს.
Virgil van Dijk is set to miss the next few weeks with a hamstring injury he picked up against Brentford, reports @ptgorst pic.twitter.com/MYUbyykwak
— B/R Football (@brfootball) January 4, 2023
შეგახსენებთ, რომ ვირჯილ ვან დაიკის გარდა, ტრავმის გამო "ლივერპულს" შემდეგი ფეხბურთელები ვერ ეხმარებიან: არტური, ლუის დიასი, ჟოტა, ფირმინო, ჰენდერსონი და მილნერი.
"ლივერპული" შემდეგ მატჩს FA თასზე, 8 იანვარს, "ვულვზის" წინააღმდეგ გამართავს.
სხვა სტატიები
