მბაპეს განცხადებებმა დემბელე გააბრაზა | ოქროს ბურთის გამო, დაპირისპირება იწყება

კილიან მბაპეს, ოქროს ბურთთან დაკავშირებით, გაკეთებული ბოლო განცხადებებით, დემბელე უკმაყოფილო იყო. გავრცელებული ინფორმაციით, ოქროს ბურთის მოქმედი გამარჯვებული, ამის გამო, ძალიან გაბრაზებულია და მბაპეს მიმართ, იგივე განწყობა, საფრანგეთის ნაკრების სხვა ფეხბურთელებსაც აქვთ. მბაპესა და დემბელეს საკითხზე, საკუთარი პოზიცია პარი სენ-ჟერმენის ყოფილმა ფეხბურთელმა, ჟერომ რატენმაც დააფიქსირა.

France Football-თან და L'equipe-თან ინტერვიუებში, მბაპემ, პრესტიჟული ჯილდოს მოპოვების შანსებზე ისაუბრა და საკუთარ თავს რჩეულიც კი უწოდა. დემბელეზე კი თქვა, რომ მას ყოველთვის ნიჭიერ ფეხბურთელად მიიჩნევდა. "თავიდანვე ყველაზე მაღლა ვიყავი. მას განსხვავებული გზა ჰქონდა - ტრავმები, თუმცა ამ ყველაფერს კარგად გაართვა თავი." - აღნიშნა მან.

ბრესტთან გამარჯვების შემდეგ, დემბელემ, რომელიც აქამდე ოქროს ბურთთან დაკავშირებით, საკმაოდ თავშეკავებული იყო, თავად ისაუბრა ამ საკითხზე და გარკვეულწილად, მბაპეს განცხადებასაც უპასუხა.