"მას აიაქსი უკიდურესად ცუდად მოეპყრო" - აიაქსის ქომაგები მიქაუტაძის გუნდიდან წასვლაზე

ოფიციალურად დადასტურდა, რომ "აიაქსმა" გიორგი მიქაუტაძე გუნდიდან გაუშვა. ქართველმა თავდამსხმელმა 2022/23 წლებში სეზონის ნახევარი ნიდერლანდურ გუნდში გაატარა, შემდეგ კი "მეცში" 6 თვიანი იჯარით გაუშვეს, საბოლოოდ ფრანგულმა გუნდმა 23 წლის ფეხბურთელი 13 მილიონად გამოისყიდა.

აღნიშნული ფაქტის გამო ამსტერდამული გუნდის ქომაგები გაკვირვებულები და გაბრაზებულები არიან, რადგან "აიაქსმა" ევრო 2024-ზე ჯგუფური ეტაპის ერთ-ერთი საუკეთესო ფეხბურთელი ვერ დააფასა.

გთავაზობთ რამდენიმე კომენტარს, რომელიც გულშემატკივრებმა სოციალურ ქსელში დაწერეს:

• გასულმა სეზონმა მწარედ მოგვატყუა, რადგან საუკეთესო მწვრთნელთან ერთად, მას, ალბათ, მეტის გაკეთება შეეძლო.

• რა სულელები ვართ, რომ გავუშვით

• ის ევროპის ჩემპიონატზე კარგად თამაშობს და როდესაც მოვიდა დრო, რომ უნდა შეგვენარჩუნებინა აიაქსი მას უშვებს? კარგი რა

• მიქაუტაძე საოცარი ფეხბურთელია. გუშინ მან თავისი შესაძლებლობები აჩვენა

• აიაქსს არ შეუძლია ახალ მოთამაშეებთან ურთიერთობა

• "მეცი" 5 საათში ხელახალი გაყიდვით დამატებით 10 მილიონს იღებს

• ასე მარტივად არ უნდა გაგვეშვა

• უპირველეს ყოვლისა ყველა ამბობდა, რომ უნდა წასულიყო, რადგან ის საკმარისად კარგი არ იყო. ახლა კი ყველა ტირის რომ გაიყიდა. მას "აიაქსი" უკიდურესად ცუდად მოეპყრო, ეს ბიჭი საშუალოზე მაღალი დონის ფეხბურთელია!