მარსელოს 15 წლის შვილი ესპანეთის 17-წლამდელთა ნაკრებში გამოიძახეს

ბრაზილიის ეროვნული ნაკრებისა და მადრიდის ,,რეალის'' ყოფილი ფეხბურთელის, მარსელოს 15 წლის შვილი, ენცო ალვეშ ვიეირა ესპანეთის 17-წლამდელთა ნაკრებში გამოიძახეს.

ენცოს, რომელიც ,,რეალის'' საკუთრებაა, ესპანეთის 15 და 16-წლამდელთა ნაკრებებშიც აქვს ნათამაშები.

,,სამეფო კლუბის'' აკადემიაში თავდამსხმელმა პირველ 100 მატჩში 105 გოლის გატანა შეძლო, რის გამოც ესპანურმა გამოცემამ, მარკამ, მას ,,გოლების მანქანა'' უწოდა.

ესპანეთის 17-წლამდელთა ნაკრები მარტში ევროპის ჩემპიონატის საკვალიფიკაციო ეტაპის მე-2 რაუნდში იასპარეზებს და პირველ შეხვედრას 19 მარტს, ნორვეგიის წინააღმდეგ გამართავს.