მარკო როსი ვარგას ჯანმრთელობის მდგომარეობის შესახებ ინფორმაციას ავრცელებს

შოტლანდიისა და უნგრეთის მატჩის 69-ე წუთზე, სტანდარტის დროს მძიმე შეჯახება მოხდა. ბარნაბას ვარგა კარიდან გამოსულ ანგუს განს დაეჯახა და მიწაზე უგონოდ დაეცა.

აშკარად ჩანდა, რომ ვარგას მდგომარეობა საკმაოდ მძიმე იყო. როგორც ESPN წერს, 29 წლის შემტევმა სახის რამდენიმე ძვალი მოიტეხა. უნგრეთის მთავარი მწვრთნელის თქმით, შემტევი კარგად არის, თუმცა, რამდენიმე ოპერაციის ჩატარება მოუწევს. ბუნებრივია, რომ თუნდაც უნგრელებმა ფინალამდე მიაღწიონ, ბარნაბასი ვერცერთ შეხვედრაში ითამაშებს.

გარდა ამ მომენტისა, შოტლანდიისა და უნგრეთის მატჩი საკმაოდ დრამატული აღმოჩნდა. ყველაფერი თითქოს უგოლო ფრემდე მიდიოდა, თუმცა, მე-100 წუთზე უნგრეთმა გამარჯვების გოლის გატანა შეძლო. ბუნებრივია თანაგუნდელებმა ეს გოლი ვარგას მიუძღვნეს.