მანქანები, ბინები და სოლიდური ანაზღაურება | რას მიიღებს სალაჰი ტრაბზონსპორისგან?!

ტრაბზონსპორმა ეგვიპტის ნაკრების თავდამსხმელის, მოჰამედ სალაჰის დამატება ოფიციალურად დაადასტურა.

თურქულმა კლუბმა ფეხბურთელის ტრანსფერის შესახებ ინფორმაცია საკუთარ ოფიციალურ ვებგვერდზე გამოაქვეყნა. 34 წლის ფეხბურთელმა ახალ გუნდთან ორწლიანი კონტრაქტი გააფორმა.​ ტრაბზონსპორისთვის ეგვიპტელის ტრანსფერი ზაფხულის სატრანსფერო ფანჯრის ერთ-ერთი ყველაზე გახმაურებული მოვლენა გახლდათ.

სალაჰის კონტრაქტის პირობები ცნობილია, რამაც სოციალურ ქსელებში დიდი გამოხმაურება გამოიწვია.

• 30 მილიონი ევრო - წლიური ხელფასი

• 20 მილიონი ევრო - ბონუსი ხელშეკრულების გაფორმებისთვის

• 14 მილიონი ევრო - აგენტის საკომისიო

• ვილა - დუბაიში

• ვილა - უზუნგოლში (თურქეთი)

• ლუქს კლასის BMW - მამისთვის, დედისთვის, დედმამიშვილებისთვის და მეუღლისთვის.

• კერძო სკოლაში სწავლის უზრუნველყოფა - შვილებისთვის

• ყოველთვიურად 10 ათასი ევრო - მეუღლის სტილისტისა და სილამაზის სალონის ხარჯებისთვის

• ყოველთვიურად 20 ათასი ევრო - სამზარეულოსა და კვების ხარჯებისთვის

• ყოველთვიურად 5 ათასი ევრო - ტუალეტის ქაღალდის ხარჯებისთვის.

შეთანხმების თანახმად, სალაჰი თითოეულ სეზონში 23 მილიონ ევროს მიიღებს, ასევე საზღვარგარეთ მისი სახელით ტრაბზონსპორის მაისურების გაყიდვიდან მიღებული მოგების 10%-ს, ხოლო ქვეყნის შიგნით მსგავსი პროდუქციის გაყიდვიდან მიღებული მოგების 25%-ს.

ლივერპულიდან გასული სეზონის დასრულების შემდეგ თავისუფალი აგენტის სტატუსით წამოსულმა სალაჰმა მერსისაიდულ გუნდში ყოფნის პერიოდში ორჯერ მოიგო ინგლისის პრემიერ ლიგა, ასევე ჩემპიონთა ლიგა, მსოფლიო საკლუბო ჩემპიონატი და უეფას სუპერთასი.