მანჩესტერ იუნაიტედი რასმუს ჰოილუნის სანაცვლოდ 60 მილიონ ევროს იხდის

,,მანჩესტერ იუნაიტედი'' ,,ატალანტას'' შემტევის, რასმუს ჰოილუნის ტრანსფერზე მუშაობს. ინფორმაციას ფაბრიციო რომანო ავრცელებს.

წყაროს ცნობით, ,,წითელი ეშმაკები'' მზად არიან, ფეხბურთელის სანაცვლოდ 60 მილიონი ევრო (აქედან 10 მილიონი ბონუსის სახით) გადაიხადონ.

,,ატალანტას'' დანიელის ტრანსფერში მინიმუმ 70 მილიონის მიღება სურს. მისი გადაბირებით ,,პარი სენ ჟერმენიც'' ინტერესდება, თუმცა, როგორც რომანო წერს, ,,მანჩესტერმა'' ფეხბურთელთან კონტრაქტის პირობები უკვე შეათანხმა.

ჰოილუნმა სერია A-ს გასულ სეზონში ,,ატალანტას'' მაისურით ჩატარებულ 32 შეხვედრაში 9 გოლი გაიტანა და 4 საგოლე გადაცემა მიითვალა.