"მანჩესტერს მაღალი დონის ფეხბურთელები სჭირდება" - ტენ ჰაგი

• ბრენტფორდმა მანჩესტერს პირველ ტაიმში ოთხი უპასუხო გოლი გაუტანა | VIDEO
• ერიკ ტენ ჰაგის გუნდის საშინელი პერფორმანსი პრემიერ ლიგის პირველ ტურში

"გაცილებით უფრო მაღალი სტანდარტები უნდა დავნერგოთ, ვიდრე დღესაა. ჩვენ, როგორც გუნდი რთულ ვითარებაში ვიმყოფებით. სრულიად განსხვავებული სტარტის მოლოდინი გვქონდა. ეს არ არის ის, რასაც ველოდით. ახალი ფეხბურთელები გვჭირდება. მაღალი დონის ფეხბურთელები უნდა შევიძინოთ. აღნიშნულთან დაკავშირებით ვმუშაობთ და მათ დასარწმუნებლად ყველა ღონეს ვიხმართ.  გუნდმა პასუხისმგებლობა უნდა აიღოს. ფანებს დიდ ბოდიშს ვუხდი - მათ ყველაფერი გააკეთეს ჩვენს გასამხნევებლად, მაგრამ, გულშემატკივრებს იმედი გავუცრუეთ. მოედანზე თითოეულმა ფეხბურთელმა პასუხისმგებლობა უნდა იგრძნოს - გუნდურად და ინდივიდუალურად. სწორედ ეს გვაკლია - ერთადერთი რასაც ფეხბურთელებს ვთხოვ, არის ის, რომ საკუთარი ძალების ირწმუნონ და ნებისმიერ მეტოქესთან გასამართ მატჩს პასუხისმგებლობით მოეკიდონ. მენეჯერი, რა თქმა უნდა, შედეგზეა პასუხისმგებელი. მთავარი პასუხისმგებლობა მე მეკისრება".