მანჩესტერის ქალი გულშემატკივრები გრინვუდის დაბრუნებით უკმაყოფილონი არიან

"მანჩესტერ იუნაიტედის" ქალი გულშემატკივრები მეისონ გრინვუდის გუნდში დაბრუნებით უკმაყოფილონი არიან და აცხადებენ, რომ ახალგაზრდა ინგლისელი მათთან აღარ უნდა თამაშობდეს.

მეისონ გრინვუდს ბრალი შეყვარებულზე ძალადობაში ედებოდა და დააკავეს კიდეც. თუმცა, თავისუფლების აღკვეთიდან 1 წლის შემდეგ, 21 წლის ფეხბურთელს, ფიზიკური და სექსუალური ძალადობის ბრალდება მოეხსნა.

ამ თემასთან დაკავშირებით The Athletic-თან "მანჩესტერის" ქალ მხარდაჭერთა გუნდის დამფუძნებელმა ნატალი ბარელმა ისაუბრა:

"ვფიქრობ ის ჩვენ გუნდში არ უნდა თამაშობდეს. "მანჩესტერი" მსოფლიოში ერთ-ერთი უდიდესი გუნდია. მისი დაბრუნებით გუნდი ძალიან ცუდ გადაწყვეტილებას მიიღებს. ეს ყველფერი წინააღმდეგობაში მოდის იმასთან, რასაც ჩვენი ფანკლუბი ცდილობს. გუნდის მხრიდან კარგი საქციელი იქნება თუ მას გაყიდიან ან სხვა კლუბში გაანათხოვრებენ."

ვრცელდება ჭორები, რომ მანჩესტერელთა შემტევი კარიერის გაგრძელებას ჩინეთში აპირებს.

აღსანიშნავია, რომ ბრალდების წაყენების შემდეგ, Nike-მა მალევე გაწყვიტა გრინვუდთან ურთიერთობა. თუმცა, იმის გამო რომ ინგლისელი დამნაშევედ არ სცნეს, ფეხბურთელმა კომპანიასთან ურთიერთობა კვლავ აღადგინა.

მეისონ გრინვუდი “მანჩესტერ იუნაიტედის” აკადემიის აღზრდილია და 2019 წლის შემდეგ მთავარ გუნდში ირიცხებოდა, რა პერიოდშიც 129 მატჩში 35 გოლის გატანა და 12 საგოლე პასის გაკეთება მოახერხა.