მანჩესტერ იუნაიტედმა გუნდის ანტირეკორდი დაამყარა

პრემიერლიგის 36-ე ტურში ,,კრისტალ პალასმა'' ,,მანჩესტერ იუნაიტედს'' უმასპინძლა და 4:0 დაამარცხა.

ერიკ ტენ ჰაგის გუნდმა ინგლისის ჩემპიონატის მიმდინარე სეზონში მე-13 შეხვედრა დათმო, რაც ,,წითელი ეშმაკების'' ისტორიაში ყველა დროის ანტირეკორდია.

აქამდე ,,იუნაიტედის'' ყველაზე ცუდი შედეგი 12 წაგება იყო, რაც ორჯერ, 2013-2014 და 2021-2022 წლების სეზონში დაფიქსირდა.

გარდა ამისა, მიმდინარე სეზონში ,,მანჩესტერმა'' 81 გოლი გაუშვა - ყველაზე მეტი 1977 წლის შემდეგ.

პრემიერლიგის დასრულებამდე 3 ტურით ადრე, ,,იუნაიტედს'' 54 ქულა აქვს და სატურნირო ცხრილის მე-8 პოზიციაზეა (მანჩესტერი ევროთასების ზონას 2 ქულით ჩამორჩება).